ទីស្តីការក្រសួងមហាផ្ទៃ៖ កិច្ចប្រជុំគណៈកម្មការ ដើម្បីត្រៀមរៀបចំពិធីអបអរខួបលើកទី១១៤ ទិវានារីអន្តរជាតិ ០៨មីនា ឆ្នាំ២០២៥

នាព្រឹកថ្ងៃទី២៨ ខែកុម្ភ: ឆ្នាំ២០២៥ លោកជំទាវ ឧត្តមសេនីយ៍ឯក ម៉ន វិមាន និងលោកជំទាវ វង ស្រីមុំ អគ្គលេខាធិការរង នៃអគ្គលេខាធិការដ្ឋានក្រសួងមហាផ្ទៃ បានអញ្ជើញចូលរួមក្នុងកិច្ចប្រជុំគណៈកម្មការ ដើម្បីត្រៀមរៀបចំពិធីអបអរខួបលើកទី១១៤ ទិវានារីអន្តរជាតិ ០៨មីនា ឆ្នាំ២០២៥ ក្រោមប្រធានបទ «សិទ្ធិ សមភាព និងភាពអង់អាច ចំពោះស្រ្តី និងក្មេងស្រីគ្រប់រូប» ក្រោមអធិបតីភាព លោកជំទាវ ព្រំ ចន្ថា អនុរដ្ឋលេខាធិការក្រសួងមហាផ្ទៃ ព្រមទាំងមានការអញ្ជើញចូលរួមពីលោកជំទាវ អនុរដ្ឋលេខាធិការ អគ្គនាយករង និងតំណាងអង្គភាពពាក់ព័ន្ធនានាចំណុះក្រសួងមហាផ្ទៃសរុបចំនួន ៣២រូបផងដែរ នៅសាលប្រជុំខេត្តសៀមរាប នៃទីស្តីការក្រសួងមហាផ្ទៃ ។

លោកជំទាវ ព្រំ ចន្ថា អនុរដ្ឋលេខាធិការក្រសួងមហាផ្ទៃ បានមានប្រសាសន៍ផ្តាំផ្ញើ ទៅដល់ក្រុមការងារ ត្រូវសហការគ្នាដោយយកចិត្តទុកដាក់ និងច្បាស់លាស់ ក្នុងការធ្វើកិច្ចការដែលបានបែងចែក ទៅតាមផ្នែកនីមួយៗ ដើម្បីទទួលបានលទ្ធផលល្អប្រសើរនូវអ្វីដែលអង្គប្រជុំរំពឹងទុក។

សូមបញ្ជាក់ជូនថាពិធីអបអរសាទរខួបលើកទី១១៤ ទិវាអន្តរជាតិនារី ៨មីនា ឆ្នាំ២០២៥ ក្រោមមូលបទ«សិទ្ធិ សមភាព និងភាពអង់អាច ចំពោះស្ត្រី និងក្មេងស្រីគ្រប់រូប» នឹងប្រព្រឹត្តទៅនៅថ្ងៃទី៦ ខែមីនា ឆ្នាំ២០២៥ នៅសាលប្រជុំ អគារ S នៃទីស្តីការក្រសួងមហាផ្ទៃ ក្រោមអធិបតីភាពដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ និងលោកជំទាវ ៕

ប្រភព៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ